Thyerje e masës “Arrest në shtëpi” dhe drejtim automjeti pa patentë, dy të arrestuar në Shkodër

Një prej tyre tha thyer masën “arrest në shtëpi”, të caktuar nga Gjykata e Shkodrës, për vjedhje dhe tjetri është kapur duke drejtuar automjetin pa leje drejtimi.

Njoftimi i policisë:

DVP Shkodër/Vihen në pranga 2 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Shkodër kanë arrestuar në flagrancë një shtetas, pasi ka thyer masën e sigurisë “Arrest në shtëpi”, të caktuar nga Gjykata e Shkodrës, për vjedhje. Në muajin shkurt, gjatë operacionit policor të koduar “Adoleshentët”, u zbardhën dhe u dokumentuan 53 vjedhje të kryera në qytetin e Shkodrës, disa prej tyre me dhunë, nga ky shtetasi dhe 2 shtetas të tjerë të mitur.

Specialistët e Qarkullimit Rrugor arrestuan shtetasin, 26 vjeç, banues në Shkodër, pasi u kap nga shërbimet e Policisë, në aksin rrugor Shkodër – Lezhë, duke drejtuar pa leje drejtimi, një motomjet të modifikuar.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Makina merr përpara një këmbësor në autostradën Tiranë – Durrës, 56-vjeçari në gjendje të rëndë

Një aksident i rëndë ka ndodhur mbrëmjen e sotme në aksin Tiranë – Durrës në vendin e quajtur “Mbikalimi i serave”.

Një automjet me drejtues një 19-vjeçar ka aksidentuar një këmbësor të moshës 56-vjeçar.

56-vjeçari është transportuar menjëherë në spital për ndihmë mjekësore, teksa ndodhet në gjendje të rëndë shëndetësore.

Drejtuesi i automjetit, është shoqëruar në DVP Durrës për veprime të mëtejshme.

Njoftimi i policisë

Durrës/Informacion paraprak.

Rreth orës 21:15, në autostradën Tiranë-Durrës, në vendin e quajtur “Mbikalimi i serave”, një automjet me drejtues shtetasin, 19 vjeç, ka aksidentuar një këmbësor, shtetasin, 56 vjeç.

56 vjeçari është transportuar menjëherë në spital për ndihmë mjeksore.

Drejtuesi i automjetit, është shoqëruar në DVP Durrës për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të ngjarjes.