Segmentet që preken/ Sezoni turistik, kufizime në qarkullimin rrugor për fundjavat dhe festat zyrtare

Në këtë kuadër, Polica ka publikuar të gjitha segmentet rrugore, tek të cilat pritet të zbatohen masat e kufizimit në lëvizje, nga jugu në veri të vendit.

Po ashtu, Policia ka përpiluar kufizimet për disa lloje mjetesh, me qëllim që qarkullimi i tyre të mos bëhet pengesë për turistët dhe qytetarët e tjerë.

Njoftimi i Polcisë:

Në kuadër të masave të ndërmarra për mbarëvajtjen e sezonit turistik 2023, si dhe për monitorimin e qarkullimit rrugor drejt zonave bregdetare dhe turistike, me qëllim krijimin e lehtësirave për lëvizjen e qytetarëve dhe të shtetasve të huaj që zgjedhin vendin tonë, si dhe në zbatim të udhëzimit të përbashkët nr.7967, të datës 30.05.2018, “Mbi kufizimin e qarkullimit të mjeteve të rënda për transport rrugor të mallrave, gjatë sesonit turistik dhe gjatë festave”, njoftojmë të gjithë qytetarët dhe subjektet se:

- Duke filluar nga dita e sotme, deri më datë 15.09.2023, gjatë fundjavës dhe ditëve të festave, do të ketë kufizime për të gjitha kategoritë e mjeteve rrugore si më poshtë:

• Mjetet rrugore për transportin e mallrave me peshë të përgjithshme të autorizuar, mbi 7500 kg;
•  Mjetet rrugore me ngarkesë të pandashme, me gjatësi maksimale më të madhe se 12 m (transporte me mjete jashtë norme ose transporte në kushte jonormale);
• Mjetet rrugore bujqësore që kanë shpejtësi më të vogël se 40 km/orë;
• Mjetet rrugore që kalojnë përmasat kufitare, sipas nenit 61 të Kodit Rrugor;
• Mjetet rrugore që shërbejnë për kursantët e autoshkollave mësimore.

- Kufizimet e lëvizjes përfshijnë akset e mëposhtme:

• “PKK Muriqan-Shkodër” dhe anasjelltas; “PKK Hani i Hotit-Shkodër” dhe anasjelltas, “Plazhi i Zogajt-Shkodër” dhe anasjelltas, “Plazhi i Shirokës-Shkodër” dhe anasjelltas, “Plazhi i Velipojës-Shkodër” dhe anasjelltas;
• ”Shkodër-Lezhë”, “Lezhë-Shëngjin”, “Lezhë-Patok” dhe anasjelltas;
• ”Durrës-Tiranë”, “Durrës-Gjiri i Lalëzit”, “Durrës-Currila”, “Durrës-Kavajë”, “Kavajë-Plazhi i Gjeneralit”, “Kavajë-Spille”, “Kavajë-Kthesa e Divjakës-Lushnjë” dhe anasjelltas;
• ”Lushnjë-Fier”, “Fier-Seman”, “Fier-Plazhet e Poros” dhe anasjelltas;
• ”Vlorë-Palasë-Dhërmi-Vuno-Himarë-Qeparo-Borsh-Bunec-Sarandë” dhe anasjelltas;
• ”Sarandë-Butrint”, “Elbasan-Pogradec”, “Elbasan-Rrogozhinë” dhe anasjelltas;
• ”Qafë Thanë-Lin-Pogradec-Tushemisht” dhe anasjelltas;
• ”Tepelenë-Gjirokastër-Kakavijë” dhe anasjelltas;
• ”PKK Morinë-Kukës-Milot-Durrës-Lezhë” dhe anasjelltas;
• ”PKK Qafë Morinë-Bajram Curri” dhe anasjelltas.

- Këto kufizime lëvizjeje parashikohen në ditët dhe në oraret si më poshtë:

• Të premten, nga ora 15:00-22:00;
• Të shtunën, nga ora 08:00-12:00 dhe nga ora 16:00-22:00;
• Të dielën, nga ora 07:00-22:00.

Policia e Shtetit kërkon mirëkuptimin e të gjithë qytetarëve dhe subjekteve që preken nga kufizimet e sipërpërmendura, që të zbatojnë me korrektesë masat kufizuese, me qëllim krijimin e lehtësirave të nevojshme për pushuesit vendas dhe ata të huaj, gjatë sezonit turistik 2023.