Rrugë të reja, plagë të vjetra/ Viktima e parë në Unazën e Re, sindroma e autostradës së Durrësit

Kalimi për këmbësorët tek ish sheshi Shqiponja është vetëm disa metra larg, por ky qytetar zgjedh të kapërcejë bordurat e urave dhe trafikndarësen në pjesën veriore të unazës së madhe.

Edhe ky fëmijë, rrezikon duke vrapuar për të kapërcyer trafikndarësen.

Raste të tilla të këmbësorëve që kalojnë përmes automjeteve hasen në pika të ndryshme përgjatë unazës së re.

Në shumë raste këmbësorët i sheh duke ecur përgjatë rrugës në unazë, ndërsa shpejtësia e mjeteve është e lartë.

Sipas të dhënave nga policia rrugore e Tiranes pesë këmbësorë humbën jetën vitin e kauluar në aksident.

“900 masa per kembesorët vitin e kaluar qe kapercejne jashtë vendeve te percaktuara. Pjesa e unazës është edhe me shqetësuese sepse limiti i shpejtesise eshte me i larte. Sic kemi rastin e aksidentit ne pjesen veriore qe dy kembesore, njera me pasoje vdekje dhe një e plagosur po ecnin në rrugë.”

Por si vepron policia rrugore, kur këto shkelje nga ana e këmbësorëve ndodhin edhe në prezencën e tyre?

“Në pjesën e autostradës shohim çdo ditë, duke i këshilluar për të kaluar aty ku ështëe përcaktuar. reagimi eshte i drejte. E shohin si te drejte se duhet te kalojne atje, por neglizhence, vetebesim i tepert se do ta kaloj dhe te arrij ne anen tjeter te rruges, por qe ka pasoja.”

Për mosrespektimin e rregullave të lëvizjes nga ana e këmbësorëve policia ka aplikuar edhe masat administrative.

“Fokusi jonë nuk ka qenë gjoba, por ndergjegjesimi, te sensibilizohen, pse jo dhe nepermjet mediave dhe rrjeteve sociale që nuk lejohen të kalojnë dhe ndeshkohen me mase administrative.”

Për të qenë të sigurt në rrugë, qytetarët apelohen të respektojnë rregullat, kalimin e në vijat e bardha dhe të mos rrezikojnë duke kapërcyer aty nuk ka vendkalim për këmbësorët.