Rrëshqitje dherash në aksin Moglicë–Gramsh, reshjet e dendura shkaktojnë probleme në qarkullim
Reshjet e dendura të shiut në formë rrebeshi që kanë përfshirë zonën juglindore të vendit kanë shkaktuar probleme në qarkullimin rrugor.
Si pasojë e motit të keq, është regjistruar një rrëshqitje dherash në aksin rrugor Moglicë – Gramsh, duke vështirësuar lëvizjen e mjeteve në këtë segment.
Sipas informacioneve paraprake, rrëshqitja ka ndodhur në vendin e njohur si “Shkëmbi i Dobërçanit”.
Në terren ndodhen mjetet e Bashkisë Maliq dhe firma nënkontraktore, të cilat po punojnë për pastrimin e materialeve të rëna dhe hapjen sa më të shpejtë të aksit rrugor.
Autoritetet u bëjnë thirrje drejtuesve të mjeteve të tregojnë kujdes gjatë lëvizjes në zonat e prekura nga reshjet intensive.
Lajmet përkatëse
