Reshjet e dendura në Mashkullorë, bllokohen në borë dy fuoristrada me 18 pasagjerë

Njëri nga xhipat kishte rrëshqitur dhe kishte rënë në një kanal duke u bllokuar. Brenda tij kanë qenë një familje prej 5 anëtarësh të cilët ja dolën të dalin nga mjeti pa u lënduar.

Ndërsa xhipi i dytë që udhëtonin 13 persona të tjerë ka arritur që me vështirësi të kthehet nga rruga dhe bashkë me familjen prej 5 personash u kthyen sërish në fshat, Panarit.

Ndërkohë që edhe borëpastruesja, e cila shkoi për të hapur rrugën dhe lëvizur mjetet një ditë më parë u bllokua në zonë nga bora dhe stuhia e erës. Vetëm ditën e sotme me 2 borëpastruese të tjera është bërë e mundur hapja e vendit dhe zhbllokimi i mejtit xhip dhe borëpastruese të bllokuara dje.

Tri viktima nga aksidentet rrugore në 4 ditët e fundit në Tiranë, mes tyre edhe një fëmijë 4 vjeç

Tri aksidente me vdekje kanë ndodhur në Tiranë, katër ditët e fundit, ku mes personave që humbën jetën ishte edhe një fëmijë vetëm 4 vjeç.

Përplasja e 4-vjeçarit ndodhi më 6 janar, ndërsa ai është përplasur me makinë bashkë me babanë e tij në rrugën “Tiranë-Fushë Krujë”. Policia njofton se ka arrestuar drejtuesin e mjetit Erjon Skënderi, 38 vjeç.

Ndërkohë, në pranga ka rënë edhe 23-vjeçari A.B., i cili po me datë 6 janar përplasi për vdekje një 60-vjeçar në afërsi të TEG-ut.

Po ashtu, një tjetër aksident me vdekje ka ndodhur në rrugën "Ali Shefqeti" në Tiranë, ku 21-vjeçari Erlis Beqja ka përplasur për vdekje një këmbësore, L. Gj., 60 vjeçe. Ndërkohë, edhe për këtë rast, policia njofton se, i riu është vënë në pranga.