Reshjet e dëborës izolojnë tërësisht fshatin në Dibër, banorët: Na ndihmoni jemi bllokuar

12 Shkurt 2018 - Gazeta Shqiptare

Reshjet e dëborës izolojnë tërësisht fshatin në Dibër, banorët: Na ndihmoni jemi bllokuar

Reshjet e dendura të dëborës kanë shkaktuar problemet e para në vend.

Banorët e fshatit Trebishtë në Dibër bëjnë thirrje për ndihmë pasi ndodhen të bllokuar nga dëbora.

Sipas tyre trashësia e dëborës arrin deri në 55 centimetër, ndërsa rrugët janë të pa kalueshme.

"I bëjmë thirrje shtetit që të na ndihmojë, pasi jemi të bllokuar nga dëbora" shprehen banorët. Ndërkohë që në Dibër janë bllokuar edhe disa njësi të tjera, si Lura, Kalaja e Dodës, Selishta dhe Ostreni.

Përveçse në Dibër, probleme janë shfaqur dhe në Kukës, trashësia e së cilës në aksin Fushë Dukagjin-Tuneli i Kalimashit arrin deri në 20 centimetër. 5 borëpastruese të kompanisë mirëmbajtëse të Rrugës së Kombit kanë larguar borën nga rruga dhe kanë hedhur kripë.

Gjithashtu, për shkak të erës së fortë ka pasur dhe ndërprerje të energjisë elektrike në disa njësi, si Grykë-Çajë, Gjolaj, Has, në disa fshatra të njësisë Bytyq. Trashësia e dëborës arrin nga 8 cm në Morinë, deri në 15-18 cm në Valbonë

Shiteni Makinën Tuaj