Përfshihet nga flakët parkingu i Bashkisë së Tiranës/ Qytetarët në panik
Një zjarr i përmasave të mëdha është raportuar mbrëmjen e kësaj të marte në Tirana Parking, parkingu nëntokësor në Bulevardin e Ri, i bashkisë së Tiranës.
Burime për CNA bëjnë me dije se ka shpërthyer në flakë një kabinë elektrike.
Raportohet se forca të shumta policore dhe zjarrfikës ndodhen në zonë, për të bërë të mundur shuarjen e flakëve.
Si pasojë e zjarrit e gjithë zona ka ngelur pa energji elektrike. Ndërkaq qytetarët janë parë në panik, për fatin e automjeteve të tyre, të cilat ndodheshin në parkin në momentin e rënies së zjarrit.
Sic bëhet me dije nga Tirana Parking janë 328 vende parkimi në parkingun nëntokësor të Bulevardin e Ri.
Lajmet përkatëse
