Moti i keq, Ministria e Mbrojtjes letër bashkive: Mirëmbani akset rrugore
Ministria e Mbrojtjes, përmes Emergjencave Civile i ka dërguar një letër të hapur bashkive në 6 prefektura të vendit.
Letra i është drejtuar bashkive në prefekturat më problematike të prekura nga pasojat e motit të keq, në Shkodër, Kukës, Pukë, Dibër, Korçe, Gjirokastër.
"Moti i keq nxori sërish në pah probleme të menaxhimit të situatës nga bashkitë. Problem është parashikimi i fondeve për masat mbrojtëse, parandaluese, ndërhyrëse dhe rehabilituese për emergjencat civile. Dërgoni listën e plotë të kompanive të kontraktuara nga ju për mirëmbajtjen e akseve rrugore", thuhet në letrën e ministrisë.
Letra e Ministrise se Mbrojtjes iu dërgua pas shqetesimeve dhe problemeve të ndeshura nga banorë në disa bashki ku nuk është ndërhyrë për mirëmbajtjen e rrugëve rurale.
