Misteri i autobusit të FSHF-së, i braktisur prej 4 ditësh në autostradë
Autobusi i kombëtares shqiptare, pronë e FSHF-së, është braktisur prej 4 ditësh në autostradën Elbasan-Tiranë.
Mjeti që përdoret për udhëtimet brenda vendit të përfaqësueseve të moshave duket se ka pësuar një defect të rëndë gjatë takimit për në Tiranë të kombëtares U-21 pas ndeshjes kualifikuese ndaj Estonisë, të luajtur në "Elbasan Arena" në 12 qershor, shkruan Panorama Sport.
FSHF-ja s'ka bërë asnjë njoftim për ndonjë problem të hasur gjatë udhëtimit të futbollistëve përfaqësues Shpresa.
Gjithsesi autobusi i parkuar në korsinë e emergjencës në autostradë tregon se në Federatë nuk kanë pasur kohë të merren me të duke parë dhe situatën e ngarkuar me ngjarje të ditëve të fundit, ndërsa trajneri Gianni de Biasi dha dorëheqjen nga kombëtarja e serisë A.
