Me shpejtësi skëterrë në tunelin e Kalimashit/ 27-vjeçari kapet me 197km/orë, gjobitet për thyerjen e rregullave

11 muaj, 1 javë më parë - 21 Mars 2023, Gazeta Shqiptare
Me shpejtësi skëterrë në tunelin e Kalimashit/ 27-vjeçari kapet me 197km/orë, gjobitet për thyerjen e rregullave
Një 27-vjeçar është ndëshkuar me gjobë, pasi drejtonte automjetin me shpejtësi 197 km/orë dhe pa vënë rripin e sigurimit.

Mësohet se i riu nga Kosova është kapur në aksin rrugor “Tuneli i Kalimashit-Morinë”, me mjetin luksoz tip “Audi A7” duke qarkulluar me shpejtësi tej normave të lejuara, ku është gjobitur me 55 000 lekë të rinj.

Njoftimi i policisë:

Qarkullonte në Rrugën e Kombit, në drejtim të Kosovës, me shpejtësi 197 km/orë dhe pa vënë rripin e sigurimit, ndëshkohet me masë administrative 55 000 lekë, drejtuesi i automjetit tip “Audi A7”, shtetas nga Kosova.

Si rezultat i monitorimit intensiv nga punonjësit e Policisë Rrugore, duke përdorur pajisjet e logjistikës bashkëkohore, që ka tashmë në dispozicion Policia Rrugore, në aksin rrugor “Tuneli i Kalimashit-Morinë”, u konstatua mjeti luksoz tip “Audi A7” që qarkullonte me shpejtësi tej normave të lejuara.

Pas verifikimeve, rezultoi se 27-vjeçari nga Kosova e drejtonte mjetin, me shpejtësi 197 km/orë dhe pa vënë rripin e sigurimit. Për te dyja këto shkelje, konform Kodit Rrugor, ky shtetas u ndëshkua me masë administrative 55 000 lekë të rinj.

Support Ukraine