Maliq/ Humbi kontrollin e mjetit dhe doli nga rruga, plagosen burrë e grua
Një aksident me pasojë dy të plagosur ka ndodhur ditën e sotme në aksin rrugor “Korçë-Pogradec”.
Sipas uniformave blu aksidenti ka ndodhur pranë fshatit Symiz të Maliqit.
Bëhet me dije se shtetasi V. M., banues në fshatin Gurishtë, Maliq, duke drejtuar një motomjet, dyshohet se ka humbur kontrollin mbi drejtimin e tij dhe motomjeti ka dalë nga rruga.
Si pasojë është lënduar vetë drejtuesi i mjetit dhe bashkëshortja e tij shtetasja E. M., pasagjere në motomjet, të cilët u dërguan për ndihmë mjekësore në spitalin e Korçës.
Grupi hetimor po punon për zbardhjen e rrethanave të aksidentit.
