Makina ra nga mbikalimi, humb jetën dhe shoferi 20-vjeçar

Automjeti tip Audi A8 i drejtuar nga 20-vjeçari Klevis Ruçaj çau bordurën dhe ra nga mbikalimi i Saukut, duke përfunduar mbi kofanon e një automjetit tjetër.

Më herët policia raportoi se 2  vajza humbën jetën në aksident, ndërsa mbetën të palgosur dhe dy persona të tjerë.

Makina ra nga mbikalimi në Tiranë: Policia 2 viktima dhe 3 të plagosur

Është rënduar bilanci i viktimave të aksidentit të ndodhur mbrëmjen e sotme ku një makinë ka rënë nga mbikalimi  Saukut dhe ka goditur një tjetër makinë në rrugën poshtë.

Policia bën me dije se automjeti tip “Audi” me drejtues shtetasin K. R., vjeç 24, ka qenë duke udhëtuar ne unazën lindore me drejtim lëvizje nga Farka për tek rrethrrotullimi pranë TEG, dhe  pasi ka humbur kontrollin, duke thyer barrierat rrethuese te mbikalimit, ka përfunduar në autostradën Tiranë-Elbasan, duke aksidentuar automjetin tjetër tip “Honda”, me drejtues shtetasin me iniciale Q. K., rreth 60 vjeç.

Si pasojë e aksidentit rrugor kanë humbur jetën dy shtetase të pa identifikuara akoma, të cilat ishin pasagjere ne automjetin “Audi” si dhe ka mbetur i dëmtuar rëndë drejtuesi i këtij automjeti. Po ashtu, të plagosur kanë mbetur edhe shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër.