Makina përplaset me furgonin e mallrave, drejtuesja në gjendje të rëndë

Një aksident i rëndë ka ndodhur mëngjesin e sotëm, ku drejtuesja e një mjeti Renault ka mbetur e plagosur rëndë, pasi u përfshi në një aksident me një furgon mallrash.

Ngjarja ka ndodhur rreth orës 06:00, në aksin Lezhë-Laç, pranë kryqëzimit të Ishull Shëngjinit.

Sipas informacioneve paraprake, në gjendje kritike për jetën është gruaja që ishte në timonin e automjetit Renault.

Policia ka nisur hetimet për zbardhjen e plotë të ngjarjes.