Makina përplaset me bordurën, vdes në spital shoqëruesi i ambasadorit rus në Tiranë

11 muaj më parë - 15 Maj 2023, opinion
Makina përplaset me bordurën, vdes në spital shoqëruesi i ambasadorit rus në Tiranë
Një aksident i rëndë ka ndodhur rreth mesnatës në Mjull Bathore, ku një automjet i ambasadës ruse, është përplasur me banderolën metalike të rrugës, ka dalë nga rruga dhe më pas është përplasur me bordurën.

Për pasojë ka ndërruar jetë pasagjeri rus 36-vjeçar, ndërsa drejtuesi ndodhet në spital nën kujdesin e mjekëve.

Njoftimi i Policisë Tiranë

Më datë 11.05.2023, rreth orës 23:10, te mbikalimi në Mjull Bathore, automjeti i ambasadës ruse, me drejtues shtetasin A. K., dhe pasagjer shtetasin S. M., është përplasur me banderolën metalike të rrugës, ka dalë nga rruga dhe më pas është përplasur me bordurën.

Si pasojë e plagëve të marra nga përplasja, ka ndërruar jetë në spital shtetasi rus S. M., 36 vjeç, ndërsa shtetasi A. K., 30 vjeç, ndodhet në spital, nën kujdesin e mjekëve.

Grupi hetimor po punon për sqarimin e rrethanave të aksidentit.

Support Ukraine