Makina përplas për vdekje këmbësorin në autostradën Durrës-Tiranë
Një aksident me pasojë vdekjen e një personi rreth 60 vjeç ka ndodhur sot në në autostradën Durrës-Tiranë, tek mbikalimi i Fllakës.
Burimet zyrtare bëjnë me dje se një automjet me drejtues shtetasin E. B., 52 vjeç ka aksidentuar këmbësorin e paidentifikuar ende.
Durrës/Informacion paraprak
Më datë 25.02.2021, në orën 14:55, në autostradën Durrës-Tiranë, tek mbikalimi i Fllakës, një mjet me drejtues shtetasin E. B., 52 vjeç, ka aksidentuar këmbësorin, një shtetas ende të pa identifikuar rreth 60 vjeç, i cili për pasojë ka ndërruar jetë.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
