Makina përplas motoçikletën, ndërron jetë 45-vjeçari
Një aksident i rëndë ka ndodhur në aksin rrugor Fier-Vlorë, ku për pasojë një 45-vjeçar ka mbetur i vdekur.
Policia ka bërë të ditur se në pranga ka rënë drejtuesi i mjetit, 38-vjeçari Albert Myrtaj, banues në Vlorë. Ky i fundit, ka humbur kontrollin e makinës duke u përplasur me një motoçikletë që drejtohej nga 45-vjeçari.
"Arrestimi i këtij shtetasi u bë pasi në aksin rrugor Fier – Vlorë, në vëndin e quajtur "Ferras", duke drejtuar mjetin tip "Opel" ka humbur kontrollin dhe është përplasur me një motorçikletë të drejtuar nga shtetasi S.M, 45 vjeç, banues në Vlorë. Si pasojë e përplasjes ka humbur jetën në Spitalin e Traumës Tiranë në orën 00:00 drejtuesi i motoçikletës", – thuhet në njoftimin e policisë.
Materialet do i kalojnë Prokurorisë pranë Gjykatës së Shkallës Parë Fier për veprën penale "Shkelje e rregullave të qarkullimit rrugor".
