Makina e drejtuar nga i mituri përplas motoçikletën, ndërron jetë 60-vjeçari në Lezhë

Uniformat blu bëjnë me dije se ngjarja e rëndë ka ndodhur në rrugën dytësore që lidh fshatin Manati me Burbullonjën e Re.

Ndërkohë i mituri është shoqëruar në ambientet e policisë dhe po kryen veprimet e mëtejshme procedurale bazuar Kodit të Drejtësisë Penale për të Mitur.

“Rreth orës 15:30, në rrugën dytësore që lidh fshatin Manati me Barbullojë e Re, shtetasi i mitur P. M. 14 vjeç, duke drejtuar një automjet, ka aksidentuar shtetasin F. L. 63 vjeç, i cili po lëvizte me motoçikletë. Për pasojë ka humbur jetën drejtuesi i motoçikletës.

I mituri është shoqëruar në ambientet e policisë dhe po kryen veprimet e mëtejshme procedurale bazuar procedurës standarde të punës dhe Kodit të Drejtësisë Penale për të Mitur”, tha policia.

Grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.

Aksident në aksin Sarandë-Borsh, makina del nga rruga, vdes shoferi

Një aksident i rëndë me pasojë vdekjen e një personi ka ndodhur në aksin rrugor Sarandë-Borsh. Ngjarja ka ndodhur rreth orës 05:30.

Shoferi i mjetit 60-vjeç me iniciale J.B. ka qenë duke drejtuar makinën tip “Opel” në momentin që ka humbur kontrollin mbi drejtimin e mjetit dhe për pasojë ka dalë nga rruga.

Si pasojë e aksidentit ka ndërruar jetë 60-vjeçari ndërsa kanë mbetur të lënduar edhe 2 pasagjerët që po udhëtonin me këtë mjet, L.K. 44 vjeç dhe A.Z., 47 vjeç të cilët ndodhen në spital nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.