Lirimi i hapësirave publike/ “Varrezat e makinave”, projekte për komunitetin

Gjatë një inspektimi në një nga pikat e bllokimit në Vlorë, ministrja për punët e brendshme, Albana Kociu, tha se ka nisur një fushatë për të sistemuar dhe seleksionuar të gjitha ato mjete që prej vitesh janë të depozituara.

“Agjencia, gjatë këtij muaji ka bërë një punë të lavdërueshme duke seleksionuar dhe evidentuar të gjitha mjetet, që ndodhen në këto pika, e janë për skrap apo për prova materiale, dhe janë të detyrueshme për t’u mbajtur nga Policia e Shtetit, si dhe të gjitha ato mjete që mund të jenë për përdorim e të cilat përmjet një plani që Agjencia ka hartuar, do t’i shpërndahen institucioneve publike për t’u përdorur prej tyre.”

Jo në pak raste këto pika janë kthyer edhe në zona të pasigurta për komunitetin.

“Është shumë e rëndësishme sidomos për një pikë si kjo në Nartë, shumë pranë komunitetit të banorëve dhe shumë pranë zonave turistike dhe pranë një aksi transporti që do të rehabilitohet dhe ka të bëjë me projektin e hekurudhës se re dhe ndërlidhjes së Vlorës me aeroportin. Duke pastruar zonën nga kjo situatë e ngarkuar prej disa dekadash, ne fillojmë rehabilitimin.”

Largimi I automjeteve do të bëhet përgjatë pesë muajve ndërsa këto siperfaqe do të kthehen në kënde lojrash apo do të përdoren nga institucionet publike.