Kryente drift me automjet dhe zhduket pas urdhrit për ndalim, policia i vihet në ndjekje të riut nga Bilishti

Mësohet se i riu në qytetin e Bilishtit drejtonte automjetin tip ‘Volkswagen’ pa leje drejtimi dhe duke kryer manovra shpejtësie, nuk i është bindur as urdhrit për ndalim.

Sakaq ka braktisur mjetin dhe është larguar.

Njoftimi i policisë:

Po këta specialistë referuan materialet në Prokurori dhe filluan procedimin në gjendje të lirë për një shtetas 17 vjeç, pasi në qytetin e Bilishtit, duke drejtuar pa leje drejtimi automjetin tip “Volksëagen”, ka kryer manovra shpejtësie dhe nuk i është bindur urdhrit të punonjësve të policisë për të ndaluar, por ka braktisur mjetin dhe është larguar.

Materialet procedurale i kaluan prokurorive të rretheve gjyqësore Korçë e Pogradec, për veprime të mëtejshme.

Aksident i rëndë në Shijak, makina përplas për vdekje një person, shoferi largohet nga vendngjarja

Një aksident me pasojë vdekje ka ndodhur pak minuta më parë. Ngjarja ka ndodhur në zonën e Shijakut, në vendin e njohur si “Katër rrugët e Shijakut”.

Një automjet ka përplasur një person që po lëvizte me biçikletë.

Shoferi i automjetit është larguar nga vendngjarje, ndërsa policia po punon për identifikimin e tij.