Kryebashkiaku denoncon se i kanë prerë frenat e makinës
Kryatari i Bashkisë së Finiqit, Kristo Kiço pretendon se i është bërë një atentat.
Megjithëse policia ende nuk ka një njoftim zyrtar të rastit, në faqen zyrtare të Bashkisë së Finiqit në Facebook, denoncohet rasti në fjalë.
Ai denoncon se disa persona i kanë çarë gomën e makinës dhe i kanë prerë frenat e automjetit. Goma e çarë u konstatua nga vetë Kiço, ndërsa prerja e kabllove të frenave u zbulua 4 ditë në vonë.
Makina ishte e parkuar jashtë banesës së tij dhe ai pretendon se ajo është hapur pa e dëmtuar. Në postimin në Facebook thuhet ndër të tjera se në raportin e policisë shkruhet se kemi të bëjmë me një ngjarje me qëllime kriminale.
