Keni në përdorim një makinë të prodhuar para vitit 2005? Ja çfarë rrezikoni

22 Dhjetor 2017 - Gazeta Shqiptare

Keni në përdorim një makinë të prodhuar para vitit 2005? Ja çfarë rrezikoni

Për ju që keni në përdorim një automjet të vjetër ky është një lajm i keq.

Qeveria ka vendosur që nga janari i vitit të ardhshëm të ashpërsojë masat për të nxjerrë nga qarkullimi makinat e vjetra, të cilat konsiderohen si një ndër ndotëset më të mëdha në mjedis.

Ministri i Turizmit dhe Mjedisit, Blendi Klosi në një intervistë për Report TV ka thënë makinat që do të lejohen të importohen do të jenë ato të prodhuara nga viti 2005 e lart.

Qeveria pritet të kalojë një paketë të re masash lehtësuese për të nxitur blerjen e automjeteve të reja.

"Kërkesa fare elementare është që ne të shkojmë me shpejtësi drejt kërkesave evropiane të importit brenda vendit tonë vetëm makinave të cilat kanë një standartë të lartë të trajtimit të gazrave, gjë që shkon kufizimin e trajtimit të makinave sipas tipeve dhe mënyrës se si e trajtojnë karburantin. Lehtësira fiskale apo hapësira më të mëdha ligjore për makinat të cilat janë të paktën hibride, por edhe ato që trajtojnë gazin edhe naftën edhe makinat elektrike", ka thënë Klosi.

 

Shiteni Makinën Tuaj