Kapshtica do të vazhdojë të qëndrojë e mbyllur, zgjatet afati

28 Prill 2021 - opinion

Kapshtica do të vazhdojë të qëndrojë e mbyllur, zgjatet afati

Autoritetet greke, në vijim të masave të marra për përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë deri në datën 3 Maj 2021.

Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi vijon të jetë e mbyllur.

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.