Kamioni përplas “Fordin”, një i vdekur dhe një i plagosur

Përplasja ka ndodhur pikërisht në fshatin Pekisht, ku pasagjeri 43-vjeçar ka humbur jetën, ndërsa është plagosur rëndë shoferi.

Nga të dhënat e para mësohet se 52-vjeçari me iniciale D.M., banues në Dibër, duke drejtuar mjetin kamion me targa DR 8860 E, është përplasur me mjetin tip "Ford" me targa AA 268 EA, me drejtues shtetasin A.K., 31 vjeç, banues në Peqin.

"Nga aksidenti është dëmtuar dhe ndodhet në gjendje të rëndë drejtuesi i mjetit "Ford", ndërkohë qe ka ndërruar jetë pasagjeri që ndodhej në mjeti "Ford", shtetasi L.Ç. rreth 43 vjeç, banues në Peqin"- njofton policia.

Drejtuesi i mjetit kamion është shoqëruar në Komisariatin e Policisë Elbasan, për veprimet e mëtejshme. Grupi hetimor ndodhet në vendndgjarje dhe po punon për zbardhjen e shkakut të aksidentit.