“Ishte i dehur dhe shkaktoi aksident”/ AMP arreston në flagrancë policin

1 javë, 3 ditë më parë - 29 Janar 2025, CNA
“Ishte i dehur dhe shkaktoi aksident”/ AMP arreston në flagrancë policin
Agjencia e Mbikëqyrjes Policore (Rajoni Vlorë-Gjirokastër), arrestoi në flagrance punonjësin e policisë inspektorë me incialet D.C. me detyrë Patrullë e Përgjithshme në Postën e Policisë Këlcyrë, DVP Gjirokastër.

Ky i fundit shkaktoi një aksident në aksin rrugor Këlcyrë - Përmet nga i cili u dëmtuan dy shtetas të tjerë, të cilët patën edhe nevojën për t’u trajtuar në spital.

Ndërkohë, rezultoi se polici po drejtonte mjetin në gjendje të duhur e në këtë formë ai tashmë akuzohet për veprën penale të “Shkelje e rregullave të qarkullimit rrugor" si dhe “Drejtim i Mjetit në mënyrë të parregullt”.

Njoftimi i AMP:

Agjencia e Mbikëqyrjes Policore (Rajoni Vlorë - Gjirokastër) ka arrestuar në flagrancë punonjësin e policisë, Inspektor D. C., me detyrë Patrullë e Përgjithshme në Postën e Policisë Këlcyrë, DVP Gjirokastër, i dyshuar për kryerjen e veprave penale "Shkelje e rregullave të qarkullimit rrugor", dhe "Drejtimi i mjetit në mënyrë të parregullt".

Punonjësi i policisë gjatë drejtimit të mjetit tip “Citroen” në aksin rrugor Këlcyrë-Përmet, në vendin e quajtur fshati Ribaj është përplasur me mjetin tip “Nisan”, ku si pasojë kanë ngelur të dëmtuar pasagjerët e mjetit tjetër, shtetasit D. H., 57 vjeç dhe shtetasi R. S., 59 vjeç, të cilët pasi kanë marrë ndihmën e parë mjekësore në spitalin e Përmetit, janë larguar për në banesë.

Nga verifikimi me testin matës të alkoolit ai rezultoi pozitiv në masën 1.19 mg/l në testin e parë dhe 1.21 mg/l në testin e dytë.

Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër. 

Aksident me një viktimë në Shkodër

Një aksident ka ndodhur mëngjesin e sotëm në aksin Shkodër - Koplik.

Mësohet se shtetasi K.D., 28 vjeç, ka humbur kontrollin e automjetit dhe ka përplasur shtetasin B.T., 84 vjeç, i cili po drejtonte një motor.

Mësohet se 84-vjeçari ka humbur jetën në spital.

“Rreth orës 10:15, në aksin rrugor “ Shkodër - Koplik ”, shtetasi K. D., 28 vjeç, duke drejtuar automjetin, dyshohet se ka humbur kontrollin mbi drejtimin e automjetit dhe për pasojë automjeti është përplasur me motomjetin me drejtues shtetasin B. T., rreth 84 vjeç.

Shtetasi B. T. ka humbur jetën, në spital.

Me drejtuesin e automjetit po kryhen veprimet procedurale. 

Grupi hetimor po punon për sqarimin e rrethanave të aksidentit”, njofton policia.

Tre aksidente në Shkodër/ Në harkun e 12-orëve regjistrohen tre viktima

Tre aksidente janë regjistruar ditën e sotme në Shkodër nga të cilat për fatin e keq kanë humbur jetën tre persona.

Në aksin rrugor Shkodër - Koplik një 28-vjeçar me inicialet K.D, përplasi një 84-vjeçar me inicialet B.T. Ky i fundit ishte në drejtimin e një motori dhe për fat të keq nuk mundi të mbijetonte pas aksidentit.

Ndërkohë, në aksin Shirokë-Shkodër një shtetase 25-vjeçare me inicialet E.M. duke drejtuar mjetin e saj përplasi një 70-vjeçar me incialet S.Rr. që lëvizte me biçikletë. Ky i fundit nddërroi jetë duke mos i mbijetuar plagëve të marra.

Ndërkaq, një tjetër aksident u regjistrua po në aksin Shkodër-Koplik. Një 24-vjeçare me incialet L.B. përplasi me automjetin e saj një 70-vjeçar me inicialet K.Xh. që lëvizte me motor. Ky i fundit nuk mundi t’i mbijetonte plagëve të marra.

Njoftimi i Policisë Shkodër:

DVP Shkodër

Specialistët e Sektorit të Qarkullimit Rrugor në DVP Shkodër arrestuan në flagrancë shtetasit:

K. D., 28 vjeç, pasi në aksin rrugor Shkodër-Koplik ky shtetas duke drejtuar automjetin e tij, ka përplasur motomjetin me drejtues shtetasin B. T., 84 vjeç. I cili ka humbur jetën në Spitalin Rajonal të Shkodrës.

E. M., 35 vjeçe., banuese në Shirokë. Në aksin rrugor Shirokë-Shkodër, kjo shtetase duke drejtuar automjetin e saj, ka përplasur shtetasin S. Rr., 70 vjeç, që lëvizte me biçikletë, i cili ka humbur jetën në Spitalin Rajonal të Shkodrës.

L. B., 24 vjeçe., pasi ditën e sotme në aksin rrugor Shkodër-Koplik, kjo shtetase duke drejtuar automjetin e saj, ka përplasur motomjetin me drejtues shtetasin K. Xh., 70 vjeç, i cili ka humbur jetën në Spitalin Rajonal të Shkodrës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. 

Support Ukraine