Identifikohen dy viktimat e aksidentit tragjik në Tiranë, shkak parakalimi i gabuar

Aksidenti ky i cili ka ndodhur për shkak të një parakalimi të gabuar të një prej automjeteve të përfshira.

Burime nga policia bëjnë me dije se viktimat janë Erion Balla 36 vjeç nga Rresheni, Mirditë dhe shtetasi me iniciale H.S, 72 vjece , banuese në Tiranë.

Edhe pse në fillim u raportua se viktimat ishin bashkëshortë, burimet bëjnë me dije se nuk ekzistonte një lidhje e tillë mes tyre. Sipas informacioneve, ata ndodheshin afro 20 metra larg njëri-tjetrit tek vijat e bardha duke kaluar rrugën në momentin që ka ndodhur aksidenti tragjik.

Dy shoferët janë Edmond Murati dhe Eljon Lazri. Ky i fundit është në spital pasi u lëndua nga aksidenti.

Aksident me vdekje në Tiranë, humbin jetën një burrë dhe një grua kalimtarë tek ”Xhamlliku”

Dy persona, një burrë dhe një grua kanë humbur jetën në një aksident tek zona e ”Xhamllikut” në kryeqytet.

Mësohet se dy kalimtarët janë përfshirë në aksidentin mes dy makinave, të cilat janë përplasur në rrugën ‘Xhanfize Keko’.

Po ashtu janë plagosur edhe dy shoferët e makinave, E.L, dhe E.M, të cilët janë jashtë rrezikut për jetën por janë shoqëruar në komisariat.

Ndërkohë Policia ndodhet në vendin e ngjarjes për të zbuluar shkaqet e aksidentit me dy viktima pasditen e sotme në Tiranë. Ky aksident është i pari me viktima për vitin 2020.