Humb kontrollin e makinës dhe del nga rruga, 3 të plagosur në Qafën e Muzinës

Si pasojë e aksidentit  ka mbetur i lënduar drejtuesi i mjetit, shtetasi A. M., 51 vjeç, si dhe dy pasagjerët, të cilët janë dërguar në spital.

“Rreth orës 14:45, në aksin rrugor Qafa e Muzinës-Jorgucat, shtetasi A. M., 51 vjeç, banues në Tepelenë, duke drejtuar automjetin tip “Benz”, ka humbur kontrollin e mjetit dhe ka dalë nga rruga.

Për pasojë është dëmtuar drejtuesi i automjetit dhe dy pasagjerët që ndodheshin në të, të cilët u transportuan në spitalin Rajonal Gjirokastër për të marrë ndihmën mjekësore dhe ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkaqeve të aksidentit”,-njofton policia.

Berat, nëna humb drejtimin e mjetit dhe bie në lumë, vdes bashkë me djalin 6 vjeç

Një grua dhe fëmija e saj rreth 6 vjeç ndërruan jetë si pasojë e një aksidenti tragjik të ndodhur këtë të hënë në Berat. Policia bën me dije se duke drejtuar mjetin tip “Benz” gruaja ka humbur kontrollin dhe ka rënë në lumë. Si pasojë ndërruan jetë shtetasja K. Xh. dhe fëmija i saj.

Ngjarja  ndodhi rreth orës 14:00, në rrugën urbane “Antipatrea”, pranë vendit të quajtur “Ura e re”.

“Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë. Për pasojë kanë humbur jetën drejtuesja e mjetit dhe fëmija i saj rreth 6 vjeç.”

Grupi hetimor në vendngjarje po kryen veprimet për zbardhjen e shkaqeve të aksidentit.