Gjirokastër/ Makina ‘Fiat’ përplaset me kamionin, lëndohet 36-vjeçari dhe një shtetas kinez

Priten informacione të mëtejshme.

Njoftimi i Policisë:

Gjirokastër/ Informacion paraprak.

Rreth orës 17:20, në aksin rrugor Gjirokastër-Jorgucat, në vendin e quajtur “Kthesa e Jorgucatit”, janë përplasur automjeti tip “Fiat”, me drejtues shtetasin kinez Y. Sh., 35 vjeç, me automjetin tip kamion, me drejtues shtetasin F. K., 63 vjeç, banues në Fier.

Për pasojë kanë mbetur të dëmtuar lehtë, drejtuesi i automjetit tip “Fiat” shtetasi kinez Y. Sh. dhe pasagjeri që ndodhej në automjetin tip kamion shtetasi B. K., 36 vjeç, të cilët janë transportuar në Spitalin Rajonal Gjirokastër për të marrë ndihmën mjekësore dhe ndodhen jashtë rrezikut për jetën.

Në vendngjarje ndodhet grupi hetimor dhe po punon për zbardhjen e shkaqeve të aksidentit.

Vlorë/ Makina përplas fëmijën 2 vjeçar

Një aksident i rëndë është shënuar në Vlorë, ku një makinë ka përplasur një fëmijë të vogël në fshatin Qeparo. Mësohet se shtetasi A. Gj., 46 vjeç, ditën e djeshme, teksa drejtonte mjetin, në fshatin Qeparo, është aksidentuar me një fëmijë rreth 2 vjeç, i cili ndodhet në spital jashtë rrezikut për jetën.

Njoftimi i Policisë:

“Specialistët e Qarkullimit Rrugor në DVP Vlorë bënë arrestimin në flagrancë të shtetasit A. Gj., 46 vjeç, banues në fshatin Qeparo, pasi ditën e djeshme, teksa drejtonte mjetin, në fshatin Qeparo. ka aksidentuar një fëmijë rreth 2 vjeç, i cili ndodhet në spital jashtë rrezikut për jetën.

Materialet i kaluan Prokurorisë për veprime të mëtejshme