Fluks në pikën kufitare të Qafë-Thanës/ Radhë të gjata automjetesh

Ky fluks ka shkaktuar pritje të gjata që arrijnë deri në 40 minuta për mjetet që kalojnë në këtë pikë kufitare.

Autoritetet doganore kanë rritur kapacitetin duke vendosur katër sportele për të përshpejtuar kalimin e automjeteve.

Ky fluks i lartë i automjeteve është i lidhur me periudhën e pushimeve, por më së shumti me lëvizjen e shtuar të udhëtarëve që po shfrytëzojnë këtë pikë kalimi për të bërë pazaret e tyre për shkak të çmimeve të lira.

Ndërkohë, autoritetet doganore janë duke monitoruar situatën për të reduktuar pritjet e gjata dhe për të menaxhuar fluksin e udhëtarëve.

Fundviti mbush portin e Vlorës/ Fluks udhëtarësh

Porti i Vlorës ka pritur një fluks të madh udhëtarësh këtë fundjavë, për shkak të festave të fundvitit.

Gjatë dy ditëve të fundit kanë mbërritur në këtë port mbi 1.150 udhëtarë dhe 242 automjete.

Të shtunën në mëngjes, 543 pasagjerë dhe 142 makina u regjistruan në port, kryesisht emigrantë shqiptarë që kthehen për festat, si dhe një numër i vogël shtetasish të huaj.

Ndërsa të dielën, shifrat u rritën, me 618 pasagjerë dhe 100 automjete që mbërritën në port.

Për shkak të fluksit të lartë të udhëtarëve ka pasur vonesa si pasojë e kontrollit të imtësishëm të dokumentacionit.

Autoritetet portuale kanë intensifikuar punën për të përballuar fluksin dhe për të lehtësuar procesin e hyrjes në vend, duke pritur që numri i mbërritjeve të vijojë të rritet në ditët e ardhshme.