“Ferrari”, “Lamborghini”, “Audi”, shqiptarët të apasionuar pas makinave luksoze, ja sa para shpenzuan për blerje automjetesh në 7 muajt e parë të vitit

Këtë e tregon edhe raporti i fundit i Drejtorisë së Përgjithëshme të Transportit Rrugor, në të cilin duket qartë rritja e shpenzimeve për blerjen e automjeteve.

Sipas raportit, rreth 44,5 miliardë lekë të reja është totali i investuar nga shqiptarët për mjetet rrugore që u importuan dhe regjistruan për herë të parë, në 7 muajt e parë të vitit 2023.

Kjo shifër është 31% më shumë krahasuar me vitin 2022 dhe 55% shumë nësë do të karahasojmë me të njëntën periudhë të vitit 2018.

Të dhënat tregojnë se janë blerë 42,238 mjete dhe vlera mesatare për mjet të regjistruar për herë të parë është 1,033,512 lekë të reja.

Nëse do ta krahasojmë me një vit më parë, shohim se vlera e një makinë është 11.4% më e lartë dhe 36% më shumë se në vitin 2018.

Sipas ekspertëve, këto të dhëna tregojnë se shqiptarët po blejnë mjete më të mira, më miqësore me ambientin dhe më të sigurta, por njëkohësisht kjo tregon edhe rritjen e fuqisë ekonomike dhe blerëse.