Emrat/ Abuzimet në aksin Tiranë-Elbasan, arrestohen edhe dy ish-drejtorë

Pas Dashamir Xhikes, dy ish-zyrtarë të tjerë të lartë janë arrestuar këtë të dielë me urdhër të Prokurorisë së Krimeve të Rënda. Burime për "Gazetën Shqiptare" bëjnë me dije se në pranga kanë rënë:

Aksel Qurduka, ish-Drejtor i Njësisë së Menaxhimit të Projektit të rrugës Tiranë-Elbasan.

Albens Alite, Drejtor i Njësisë së Menaxhimit të Projektit të Rrugës Tiranë-Elbasan, pranë Autoritetit Rrugor Shqiptar.

Mesohet se Gjykata e Krimeve të Rënda ka leshuar flete arresti për Aksel Qurdukun, me urdhër nga prokurorja Elisabeta Imeraj.

Dy ish-zyrtarët ndodheshin në kërkim nga policia, që prej të premtes, pas kallëzimit penal të bërë nga Prokuroria e Krimeve të Rënda.

Sipas hetimit, dyshohet se këta persona në bashkëpunim me njëri-tjetrin kanë shkaktuar një dëm shtetit që llogaritet në vlerën 53,983,340 USD.

Kujtojmë se nga ana tjetër, për ish-drejtorin e rrugëve Xhika, që vjen nga radhët e LSI, janë dy çështje në ngarkim, aksi Tiranë-Elbasan, dhe Elbasan-Gjinar, ku për këtë të fundit dyshohet se ka abuzuar me 5 milionë euro fonde.