E dëmtoi “dimri i fundit”, rruga e Sevasterit me një gjysmë korsi, burim aksidentesh

Por edhe pse ka më shumë se tre muaj nga rrëshqitja e shtratit të rrugës, autoritet përveç një sinjalistike që kufizon kalimin në më pak se një korsi, nuk ka pasur asnjë ndërhyrje tjetër për rikthimin e saj në gjendjen e mëparshme.

“Rrezikojmë, sepse kur shkojmë në Vlorë, rrezikojmë me familje. Shteti të marrë masa, jo të flejë gjumë”, thotë një banor. “Ka tre muaj që është dëmtuar, kanë vënë një shenjë dhe nuk po merret masë. Ka ardhur prefekti, kryetari i bashkisë, kanë thënë do të bëhet… por kurrë?”, thotë një tjetër.

Banorët shprehen se kalimi në atë pjesë të rrugës është mjaft I rrezikshëm, sidomos për mjetet e tonazhit të rëndë dhe në rast shembje edhe të pjesës tjetër rrezikojnë bllokimin e plotë të pesë fshatrave të njësisë administrative.

Ndërkohë bashkia e Selenicës mësohet se e ka raportuar problematikën por për shkak të pamundësisë financiare, pret financime nga institucionet qendrore.