Milot-Balldren dhe Orikum-Dukat, dy koncesionet do të shkojnë në Kuvend

9 Qershor 2019 - opinion

Milot-Balldren dhe Orikum-Dukat, dy koncesionet do të shkojnë në Kuvend

Më datën 20 qershor pritet që kontratat koncesionare për rrugën Milot-Balldren dhe Orikum-Dukat të kalojnë për votim në Parlament.

Vlera totale e kontratave kap vlerën totale 337 milionë euro duke përfshirë dhe tatimin mbi vlerën e shtuar do të diskutohen fillimisht në Komisionin Parlamentar të Ekonomisë.

Dy kontratat u zhvilluan vitin e kaluar, ku Ministria e Energjisë shpalli fitues kompaninë "ANK" dhe atë "Gjikuria". Ndërkohë, mësohet se Milot-Balldren dhe Orikum-Dukat janë pjesë e paketës 1 miliardë euro të koncesioneve.

Para tre muajsh Këshilli i Ministrave miratoi një vendim, i cili lejon parlamentin të japë fjalën e fundit për miratimin e kontratave të Partneritet Publik-Privat në ndërtimin e rrugëve.

Formula e koncesionit parashikon se të dy rrugët do të ndërtohen me paratë e kompanive private dhe në këmbim qeveria do i shlyejë ato më këste për 13 vjet duke përfshirë koston e ndërtimit, dhe interesat që do u paguhen kompanive private.

Për qeverinë ndërtimi i këtyre rrugëve së bashku me atë të Arbrit do të ndihmojë zhvillimin ekonomik të vendit përmes një formule që i lejon buxhetit të paguajë me këste.

Ndërkohë, opozita ka hedhur vazhdimisht akuza se investimet në këto rrugë janë afera korruptive, ndërsa kreu i PD, Lulzim Basha është shprehur se këto kontratat do të anulohen.

Shiteni Makinën Tuaj