Detaje/ Autobusi me turistë u fut në parakalim dhe përplasi të moshuarin në Rubik

Një autobus me targa të Kosovës përplasi një të moshuar, i cili po lëvizte me biçikletë brenda korsisë dhe jo në pjesën anësore të rrugës.

Gazetari i ABC News, Gjergj Figuri raporton se referuar hetimeve, mësohet se autobusin është futur në parakalim të një automjeti tjetër dhe më pas ka përplasur për vdekje të moshuarin.

Autobusi po transportonte turistë nga Kosova dhe si destinacion kishte bregdetin e Shëngjinit.

“I moshuari po shkonte në shtëpi. Autobusi po sillte turistë në drejtim të Shëngjinit dhe është futur në një parakalim dhe përballë tij është ndeshur me drejtuesin e biçikletës, i cili ka qenë në vijën kufizuese të rrugës dhe e ka përplasur duke i shkaktuar edhe vdekjen.”, raportoi ai.

Autoritetet kanë shoqëruar drejtuesin e autobusit dhe po merret në pyetje për rrethanat e aksidentit.

Vlorë/ 22 vjeçari përplas me motor të miturën, dërgohen të dy në spital

Një aksident është shënuar sot në Vlorë. Një 22 vjeçar teksa po udhëtonte me motor ka aksidentuar një shtetase të mitur. Për pasojë kanë mbetur të dy të lënduar dhe ndodhen në spital.

Njoftimi i policisë:

Sot, rreth orës 20:30, në lagjen “Hajro Çakërri”, në vendin e quajtur “Xhamia”, shtetasi H. B., 22 vjeç, duke drejtuar motomjetin tip “Niponia”, ka aksidentuar një shtetase të mitur, rreth 11 vjeçe, si pasojë kanë ngelur të dëmtuar të dy këta shtetas, të cilët ndodhen në spital, nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.