Del nga rruga makina në Klos, plagosen dy turistët francezë

10 muaj, 2 javë më parë - 5 Qershor 2023, abcnews
Del nga rruga makina në Klos, plagosen dy turistët francezë
Një aksident i frikshëm ka ndodhur pasditen e sotme në rrugën e Arbrit në afërsi të Klosit.

Gazetari i ABC News, Neki Feta raporton se një makinë ka dalë nga rruga dhe ka përfunduar në greminë.

Si pasojë e këtij aksidenti janë plagosur dy turistë francezë, të cilat janë transportuar  në spital.

Kanë qenë banorët e fshatit ata që i kanë nxjerrë turistët nga makina dhe i kanë dërguar drejt spitalit të  Traumës në Tiranë.

Njoftimi i policisë:

Klos/informacion paraprak

Në fshatin Xibër Hane, bashkia Klos, një automjet i garave “Rally”, ka dalë nga rruga dhe për pasojë janë lënduar shtetasit E.U., dhe A.I., (shtetas francez), të cilët po marrin ndihmë mjekësore në spital dhe ndodhen jashtë rrezikut për jetën.

Grupi hetimor po punon për zbardhjen e plotë të shkakut të daljes nga rruga të automjetit.

Makina përplas këmbësoren në Lezhë

Një aksident ka ndodhur mëngjesin e së hënës në supestradën Lezhë-Shkodër. Një mjet që drejtohej nga 44 vjeçarja Diana Suli ka përplasur një këmbësore në dalje të qytetit të Lezhës.

Ajo është dërguar menjëherë në spital për të marrë ndihmën mjekësore dhe ndodhet jashtë rrezikut për jetën. Policia i ka bërë drejtueses edhe testin e alkoolit por ka rezultuar negative.

Drejtuesja e mjetit është akoma në vendngjarje se po kryhen veprimet procedurale nga grupi hetimor.

I mituri humbi jetën nga aksidenti në Bërxullë, shoferi i “Toyota-s” ishte në gjendje të dehur

Policia ka dhënë informacion zyrtar në lidhje me aksidentin e rëndë të ndodhur ditën e djeshme në Bërxullë, ku humbi jetën një i mitur.

Drejtuesi i një prej automjeteve, konrketisht tip “Toyota”, ishte në gjendje të dehur në momentin e aksidentit.

Nga përplasja automjeti tip “Toyota” ka dalë nga rruga dhe është përplasur me murin e një lokali duke aksidentuar të mitur 9-vjeçar.

I mituri nga dëmtimet e marra ka ndërruar jetë në vendngjarje.

“I mituri që humbi jetën po qëndronte ulur në lokal”/ Policia arreston dy shoferët e aksidentit në Bërxullë

Policia ka vënë në pranga dy shoferët Erjon Hajdini 30 vjeç dhe Naim Allmeta 63 vjeç që shkaktuan aksidentin me vdekjen e një 10 vjeçari një ditë më parë në Bërxull në Tiranë.

Gazetarja Xhensila Kodra raporton për ABC News se ngjarja e rëndë ka ndodhur në kryqëzimin e Laknas, ku buzë rrugës ndodhet edhe lokali ku ishte i ulur 9 vjeçari.

Sipas informacioneve mësohet se fillimisht janë përplasur dy makinat, më pas si pasojë e shpejtësisë  njëra ka përfunduar në lokal, ku dhe ka përplasur për vdekje 9 vjeçarin që ishte ulur në një nga tavolinat.

Ndërkaq, në vendin ku ndodhi aksidenti, banorët janë shprehur se aty nuk ka asnjë sinjalistikë, dhe shprehin shqetësim për ngjarjen e rëndë.

Digjet automjeti në autostradën Tiranë-Durrës, detajet e para

Një automjet ka marrë flakë në lëvizje, mesditën e kësaj të diele në Vorë.

Ngjarja ja ndodhur në autostradën Tiranë-Durrës dhe si pasojë e zjarrit, ka vetëm dëme materiale.

Automjeti rezulton në pronësi të një shtetaseje, teksa nga veprimet paraprake dyshohet se zjarri ka rënë si pasojë e një defekti në mjet.

Grupi hetimor po punon për përcaktimin e shkaqeve të rënies së zjarrit.

Detaje nga aksidenti në Rrëshen/ Shtatë persona të plagosur, mes tyre 3 fëmijë

Policia ka dhënë detaje në lidhje me aksidentin e mbrëmjes së sotme në Rrugën e Kombit, pranë në karburanti në Rrëshen. Ajo thotë se janë përplasur dy mjete, ndërsa shtatë persona kanë mbetur të plagosur, mes të cilëve edhe tre fëmijë.

Në aksident janë përfshirë një “Audi” drejtuesi i të cilës po lëvizte me gruan dhe tre fëmijët e tij dhe një mjet “BMW”, brenda së cilës ishin dy shtetase nga Kosova.

“Për pasojë janë lënduar fizikisht të gjithë personat që ndodheshin në mjetet e përfshira në aksident. Janë dërguar në Spitalin Rajonal të Rrëshenit 4 nga të dëmtuarit, ndërsa 3 prej tyre janë transportuar për në Spitalin e Traumes Tiranë, ku paraprakisht ndodhen jashtë rrezikut për jetën”, njofton policia.

Ndërkohë, grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit

Support Ukraine