Dëbora në Kukës, ARRSH: Akset ku duhet të bëni kujdes

Dëbora në Kukës, ARRSH: Akset ku duhet të bëni kujdes

Rrugët në Kukës janë mbuluar nga dëbora, duke vështirësuar qarkullimin e automjeteve.

Autoriteti Rrugor Shqiptar u bën thirrje shoferëve që të ecin me kujdes dhe të jenë të pajisur me goma dimërore dhe me zinxhirë.

ARRSH bën me dije se aksi që ka pasur më shumë probleme në qarkullim është  aksi Ura e Zapodit-Shishtavec.

“Në aksin Ura e Zapodit-Shishtavec në orët e para të mëngjesit ka pasur reshje bore shoqëruar me erë të fortë po punohet për pastrimin e aksit nga bora qarkullimi bëhet pa zinxhirë. Drejtuesit e mjeteve të bëjnë kujdes gjatë udhëtimit natën dhe në orët e para të mëngjesit, të respektojnë sinjalistikën të reduktojnë shpejtësinë, të pajisen me goma dimërore”, -thuhet në postimin e ARRSH-së.

Temperaturat bien nën 0 gradë, ARRSH apel shoferëve: Kujdes në këto orë

Autoriteti Rrugor Shqiptar ka një apel për të gjithë drejtuesit e mjeteve, të cilët do të jenë përdorues të rrugëve në këto ditë kur temperaturat në vendin tonë do të zbresin në 0 gradë C.

Përmes një postimi në rrjetet sociale, ARRSH iu bën apel shoferëve që të bëjnë kujdes gjatë udhëtimit gjatë natës, në orët e para të mëngjesit, si dhe të respektojnë sinjalistikën, të reduktojnë shpejtësinë dhe të pajisen me goma dimërore.

“Temperatura të ulëta, pa reshje kanë përshkuar vendit dhe sipas parashikimit të motit gjatë natës do të zbresin nën 0 °C

Është bërë trajtimi me kripë në akset me pretencë bore për të shmangur ngricat, si në; Tropojë, Kukës, Korçë

Drejtuesit e mjeteve të bëjnë kujdes gjatë udhëtimit gjatë natës dhe në orët e para të mëngjesit, të respektojnë sinjalistikën të reduktojnë shpejtësinë, të pajisen me goma dimërore”,-njofton ARRSH.