Dëbora e dendur bllokon 10 fshatra në zonën e Gollobordës, banorët: Autoritetet të na zhbllokojnë rrugët!

Që prej ditës së premte në këtë zonë nuk ka qarkulluar asnjë lloj automjeti, pasi në disa vende trashësia e dëborës shkon mbi 1 metër.

I bllokuar është dhe aksi rrugor nacional Librazhd-Bulqizë. E njëjtë është edhe situata në aksin rrugor Sterblev-Klenjë-Shupenz, ku trashësia e dëborës arrin në 50 centimetra. Banorët kërkojnë nga instancat shtetërore zhbllokim të rrugëve.

Ndalohet qarkullimi në Rrugën e Arbrit, policia: Po punohet për pastrimin e aksit

Moti i keq ka mbyllur përkohësisht Rrugën e Arbrit.

Policia e Dibrës njofton se për shkak të resjeve të dëborës në Rrugën e Arbrit, në Bypass, qarkullimi i automjeteve është ndaluar përkohësisht pasi i gjithë aksi po pastrohet nga borëpastueset.

Njoftimi i policisë:

Për shkak të reshjeve të dëborës në Rrugën e Arbrit, në Bypass, qarkullimi i automjeteve është ndaluar përkohësisht pasi i gjithë aksi po pastrohet nga borëpastueset.

Shërbimet e Policisë Rrugore ndodhen në të dyja kahet e lëvizjes dhe nuk do të lejojnë asnjë drejtues mjeti të qarkullojë pa vendosur goma dimërore zinxhirë dhe deri sa rruga të pastrohet plotësisht nga kontraktorët.

Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, si dhe të shmangin lëvizjet e panevojshme në këtë aks.

Në rast nevoje për ndihmë, telefononi në numrin 112 ose dërgoni njoftim në Komisariatin Dixhital.