Nis rikonstruksioni i segmentit të vjetër në Vorë, ja si devijon lëvizja e mjeteve

2 Korrik 2018 - Gazeta Shqiptare

Nis rikonstruksioni i segmentit të vjetër në Vorë, ja si devijon lëvizja e mjeteve

Një tjetër segment rrugor do të bllokohet, pas përfundimit të punimeve në autostradën Tiranë Durrës. Kjo pasi do t’i nënshtrohet rikonstruksionit.

Në një deklaratë të përbashkët, Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se ditën e hënë, në orën 06-00 të mëngjesit do të filloje ndërhyrja për rehabilitimin e segmentit rrugor degëzimi Vorë (shinat e trenit) – Fabrika e Tullave (rruga e vjetër) në kuadër të projektit të mirëmbajtjes me performance të Bankës Botërore.

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve gjatë procesit të rehabilitimit në këtë aks rrugor dhe respektimin ne menyre rigoroze te sinjalistikes zore te vendosur si dhe udhëzimet e policisë rrugore ne terren.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren.

Bllokimi i aksit rrugor dhe devijimi i trafikut do te fillojë në orën 06:00 të ditës së hënë date 02/07/2018. ARRSH dhe Policia e Qarkullimit Rrugor ju kërkojnë drejtuesve të mjeteve sa vijon:

Trafiku i mjeteve te renda që vijnë nga Veriu në drejtim të doganës se Tiranës do të vijojnë normalisht nga Fushë-Kruja në Doganë dhe do të kthehen përsëri nga i njëjti segment rrugor dhe do të vijojnë sipas destinacionit përkatës.

Trafiku i mjeteve të renda nga Veriu në drejtim të portit të Durresit dhe Jug do të përdorin segmentin Fushë Krujë – Kamëz – rreth rrotullimi "Casa Italia" – Durrës.

Trafiku i mjeteve të renda nga Jugu, porti i , Elbasani ne drejtim te veriut do te përdorin segmentin rreth rrotullimi "Casa Italia" – Kamëz – Fushe Kruje.

Drejtuesit e autoveturave do te vijojne te normalisht drejt destinacioneve respektive duke përdorur urën e Vorës.

Transporti i udhëtareve ne te dy drejtimet do të përdorin segmentin e rrugës se aeroportit të Rinasit dhe mbikalimit te Kasharit.

Ky devijim do te vazhdoje deri në përfundim të punimeve të rehabilitimit.

Punonjësit e autoritetit Rrugor Shqiptar, Policisë së Qarkullimit Rrugor dhe firmave të mirëmbajtjes do të jenë në terren duke dhënë të gjitha orientimet e duhura dhe vendosur sinjalistikën e duhur për orientimin e trafikut.

Ju kërkohet drejtuesve të mjeteve që të respektojnë në mënyrë rigoroze rregullat e qarkullimit rrugor, sinjalistikën provizore të vendosur në segmentet ku do të punohet dhe udhëzimet e policisë.

Shiteni Makinën Tuaj