Dalin pamjet e aksidentit te Kryeministria/ I riu “fluturon” disa metra pas përplasjes
Këto janë pamjet nga momenti i përplasjes së dy të rinjve pranë godinës së Kryeministrisë.
Siç mund të shihni edhe nga pamjet, dy të rinjtë janë duke lëvizur në këmbë në trotuarin në krah të kryeministrisë kur papritmas automjeti tip Benz i drejtuar nga 21 vjeçari, Jorgaq Thëngjilli i përplas.
Video e kamerave te sigurisë ka kapur momentin kur pas goditjes, djali bie në tokë pasi është spostuar për disa metra.
Në pamje duket edhe shoferi 21-vjeçar, i cili vë duart në kokë pasi sheh se çfarë ka bërë.
Nga përplasja e fortë, vajza që mbeti e lënduar iu nënshtrua një operacioni në Spitalin e Traumës, ku vijon të qëndrojë jashtë rrezikut për jetën.
21-vjeçari, Jorgaq Thëngjilli nuk ishte i panjohur për rrugoret e kryeqytetit pasi dhe në korrik të këtij viti është gjobitur për shpejtësi tej normave të lejuara.
