Dalin pamje nga aksidenti ku humbi jetën 35-vjeçari, makina me shpejtësi të lartë

Sipas informacioneve, makina ka qenë me shpejtësi të lartë dhe si pasojë drejtuesi ka humbur kontrollin. Ndërsa automjeti tjetër është dëmtuar por thuajse s’ka asnjë patur me aksidentin.

Viktima është identifikuar si Avni Gjuni, ndërsa të plagosur kanë mbetur dy drejtuesit e mjeteve Murat Dorezi dhe Egzon Murataj.

Grupi hetimor ndodhet në vendngjarje dhe po punon për sqarimin e rrethanave të aksidentit.

Aksident i rëndë në Tiranë, humb jetën 35-vjeçari

Një aksident i rëndë është regjistruar në Tiranë. Dy automjetë janë përplasur më njëri-tjëtrin dhe si pasojë ka humbur jetën një 35-vjeçar, pasagjer në njërin prej automjeteve.

Policia bën me dije se ngjarja ka ndodhur mëngjesin e sotëm në rrugën “Kastriotët”.

Dy drejtuesit e mjeteve E. M., dhe shtetasin M. D., ndodhen në spital, nën kujdesin e mjekëve.

“Më datë 02.02.2023, në rrugën “Kastriotët”, janë përplasur automjeti me drejtues shtetasin E. M. me automjetin me drejtues shtetasin M. D.

Si pasojë e aksidentit, pasagjeri që ndodhej në automjetin me drejtues shtetasin E. M., shtetasi A. Gj., rreth 35 vjeç, ka ndërruar jetë, ndërsa drejtuesit e dy mjeteve ndodhen në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit”-njofton policia.