Nga çarja e digës mësohet se ka pasur edhe dëme të shumta materiale. Uji ka hyrë në 2 biznese të llojit bar-restorante në Bunec, ndërsa nga vërshimi i ujit dëme kanë pësuar edhe 10 biznese të tjera.
Më herët policia njoftoi:
"Sot, rreth orës 12:38, në Bunec, Lukovë, dyshohet se është çarë diga e hidrocentralit, duke krijuar rrezik për përmbytje.
Në vendngjarje ndodhen shërbimet e Policisë dhe emergjencave civile, të cilat po punojnë për të siguruar evakuimin e çdo personi që mund të jetë në rrezik. Deri tani janë shkaktuar vetëm dëme materiale, ndërsa situata po monitorohet nga afër për të shmangur pasoja të tjera. Policia fton qytetarët që të shmangin lëvizjet në zonën e rrezikuar dhe të raportojnë menjëherë për çdo rast emergjence."
Çarja e digës në Bunec/ Agjencia e Mbrojtjes Civile jep detaje
Çarja e digës së ujëmbledhësit në Sasaj të Bunecit, ngjaje e ndodhur mesditën e sotme duket se po shkon drejt normalizimit.
Nga ndërhyrjet e bëra deri në këto momente, Mbrojtja Civile ka dhënë një përditësim mbi situatën e krijuar në bashkinë Himarë.
Mësohet se ka prezencë balte dhe uji në 12 biznese. Ndërsa në momentin e shembjes ka pasur 15 mijë metra kub ujë. Nuk ka të dhëna për probleme me njerëz.
Deri më tani, ëshë bërë i kalueshëm aksi i rrugës nacionale Bunec-Piqeras
"Rreth orës 12:26 të ditës së sotme ujëmbledhësi i Sasajt, në Bunec, bashkia Himarë, i cili është ndërtuar në vitin 2010 ka pësuar shembje. Në momentin e shembjes ka patur rreth 15.000 metra kub ujë. Si pasojë ka prezencë uji dhe balte në 12 biznese në Bunec dhe është dëmtuar baza ushqimore e blektorisë ne 2 familje.Nuk ka probleme në njerëz.Aktualisht është bërë i kalueshëm aksi i rrugës nacionale Bunec-Piqeras dhe po punohet nga strukturat e bashkisë Himarë për pastrimin e baltës. Situata po ndiqet nga prefektura Vlorë dhe strukturat e emergjencave civile të bashkisë Himarë.Ministria e Mbrojtjes, Agjencia Kombëtare e Mbrojtjes Civile dhe FA janë përherë në gatishmëri, në ndihmë të komunitetit", thuhet në njoftim.
Çahet diga e HEC-it në Bunec të Himarës/ Pengohet qarkullimi i mjeteve
Rruga nacionale në Bunec, që mundëson lëvizjen drejt Himarës, është bllokuar totalisht.
Shkak për këtë gjendje është bërë çarja e digës së HEC-it.
Për pasojë, të gjitha mjetet që qarkullojnë në këtë aks kanë mbetur të bllokuara dhe në pamundësi për tu zhvendosur.
Gjithashtu, dëmë janë konstatuar edhe në biznese të ndodhura pranë. Shumë automjete të tjera janë detyruar të kthehen pas, për shkak të pritjes.
Video nga CNA e bërë në rrugën nacionale në Bunec tregon qartë pamjet ku shihet bllokimi i këtij aksi.
Sipa policisë: "Sot, rreth orës 12:38, në Bunec, Lukovë, dyshohet se është çarë diga e hidrocentralit, duke krijuar rrezik për përmbytje. Në vendngjarje ndodhen shërbimet e Policisë dhe emergjencave civile, të cilat po punojnë për të siguruar evakuimin e çdo personi që mund të jetë në rrezik. Deri tani janë shkaktuar vetëm dëme materiale, ndërsa situata po monitorohet nga afër për të shmangur pasoja të tjera. Policia fton qytetarët që të shmangin lëvizjet në zonën e rrezikuar dhe të raportojnë menjëherë për çdo rast emergjence."
Lajmet përkatëse
