Automjeti pëson defekt dhe përmbyset/ Lëndohet 1 pasagjer në Shkodër

Shtetasi A. B., duke drejtuar automjetin, dyshohet se ka humbur kontrollin, pasi automjeti ka pësuar defekt. Për pasojë automjeti është përmbysur.    

Nga aksidenti është dëmtuar pasagjeri, shtetasi M. N., i cili u transportua me helikopter në Spitalin e Traumës dhe është në kujdesin e mjekëve. 

Grupi hetimor po punon për zbardhjen e rrethanave të aksidentit.

Aksident në Korçë/ Automjeti përplaset me biçikletën, 1 e lënduar

Një aksident është shënuar sot në unazën e qytetit të Korçës.

Një automjet ka përplasur një grua e cila ka qenë duke lëvizur me biçikletë.

Ambulanca ka marrë menjëherë të lënduarën për ta dërguar në spital, ku do i jepet ndihmë mjekësore.

Nuk dihen ende detaje nga rrethanat e ngjarjes dhe gjendja e të lënduarës.

Drejtuesja e mjetit që ka goditur biçikletën, po shoqërohet në komisariat për veprime të mëtejshme.