Anuela Ristani ndan pamjet: Terminali i ri Veri-Perëndimor, drejt përfundimit

Në postimin e saj, Ristani e cilëson këtë si një tjetër investim të rëndësishëm për transportin publik të qytetit.

Ajo thekson se terminali i ri do t’u shërbejë qytetarëve dhe turistëve me standarde moderne, duke ndjekur modelin e suksesshëm të Terminalit Lindor në Lundër, i cili është tashmë funksional dhe ofron kushte dinjitoze për udhëtarët.

“Terminali Veri-Perëndimor i autobusëve është drejt përfundimit – një investim i rëndësishëm që sjell transport modern për qytetarët dhe turistët që vijnë në qytet.

Ndërkohë që Terminali Lindor në Lundër është tashmë një histori suksesi – një hapësirë moderne që u shërben përditë udhëtarëve, me kushte dinjitoze, organizim dhe pa rrëmujë.

• Me këto investime po krijojmë:
• Një sistem transporti të organizuar dhe dinjitoz
• Qarkullim më të lehtë dhe më pak trafik në hyrje të qytetit
• Komoditet dhe siguri për të gjithë udhëtarët
• Zëvendësimin e kaosit dhe informalitetit me rregull dhe standarde moderne

Më shumë rregull. Më pak rrëmujë. Një Tiranë që vijon të ecë përpara”, shkruan Ristani.