Aksidenti tragjik, humbin jetën prindërit e trajnerit Alban Bushi

Sipas raportimeve nga mediat helene, bëhet e ditur se makina me të cilën po udhëtonin dy prindërit e Alban Bushit, është përplasur nga një fugon në rrugën “Egnatia” në aksin Veria-Selanik.

Goditja ka qenë e fortë dhe si pasojë kanë humbur jetën 75-vjeçari Ali Bushi dhe pasagjerja 71-vjeçare Bukurije Bushi.

Aksidenti ka ndodhur në mesditën e së martës, rreth orës 15:00.

Aksidenti tragjik, Duka me mesazh ngushëllimi për trajnerin Alban Bushi

Dhimbje e madhe për trajnerin Alban Bushi. Trajneri i Shqipërisë U-21, ka humbur prindërit e tij, pas një aksidenti të rëndë në Greqi.

Presidenti i Federatës Shqiptare të Fubtollit, Armand Duka, i ka shprehur ngushëllimet e tij, trajnerit të Shqipërisë U-21, Alban Bushi, për ndarjen nga jeta të prindërve të tij.

Sapo mësova lajmin e dhimbshëm për ndarjen tragjike dhe të parakohshme nga jeta të dy prindërve të jashtëzakonshëm, njerëzve të mirë, Ali dhe Bukurije Bushi, në një aksident në Greqi.

Në këtë moment të vështirë, mendimet e mia shkojnë tek Albani dhe të gjithë anëtarët e tjerë të familjes, që përveç trishtimit për këtë humbje të madhe, do të përballen edhe me mungesën e pamatë të dashurisë prindërore.

Në emrin tim personal dhe të Federatës Shqiptare të Futbollit, ku Albani ka kaluar shumë vite si pjesë e kësaj familjeje të madhe, shpreh ngushëllimet më të sinqerta. Qoftë kujtimi i tyre i paharruar!”, shkruan Duka.