Aksidenti me pesë shqiptarë të vdekur/ Publikohen pamje nga vendngjarja: Viktimat janë të rinj

10 muaj më parë - 19 Korrik 2023, abcnews
Aksidenti me pesë shqiptarë të vdekur/ Publikohen pamje nga vendngjarja: Viktimat janë të rinj
GREQI- Mediat greke kanë publikuar pamje të aksidenti tragjik në Edessa ku humbën jetën pesë shqiptarë.

Makina me të cilën po udhëtonin shqiptarët u përplas me një kamion, ndërsa drejtusi i tij ndodhet jashtë rrezikut për jetën.

Në video shihen ekipet e zjarrfikësve, të cilët kanë bërë të mundur nxjerrjen e trupave të pajetë.

Mediat greke nuk japin detaje mbi identitetin e viktimave, por disa prej tyre raportojnë se janë të rinj.

Ndërkohë, grupi hetimor ka nisur punën për zbardhjen e rrethanave.

Aksident tragjik në Greqi, vdesin pesë shqiptarë

Një aksident i rëndë ka ndodhur pasditen e sotme në Greqi, pasi një makinë është përplasur me një kamion në Edessa, duke sjellë vdekjen e 5 shtetasve nga Shqipëria.

Mësohet se automjeti me targa shqiptare ka dalë nga korsia e vetë në rrethana ende të pazbardhura dhe ka hyrë në korsinë e gabuar, duke u përplasur më pas me kamionin.

Për nxjerrjen e pasagjerëve nga automjeti është kërkuar ndërhyrja e zjarrfikësve, ndërsa drejtuesi i kamionit është dërguar i plagosur në spitalin e Edessë, por ndodhet jashtë rrezikut për jetën. Grupi hetimor ndërkohë ka nisur hetimet për zbardhjen e rrethanave të aksidentit tragjik.

Support Ukraine