Aksidenti/ Policia jep detaje: 9 të plagosur, ja si i doli përgjigjja e testit të alkoolit shoferit të autobusit

Si pasojë e aksidentit mbetën të plagosur 9 persona. Po ashtu blutë theksojnë se pas testit të alkoolit, drejtuesi i autobusit nuk ka rezultuar nën efektin e pijeve alkoolike.

Njoftimi i policisë:

Tiranë/Informacion shtesë

Në vijim të informacionit paraprak të dhënë pak minuta më parë, ku rreth orës 11:35, në vendin e quajtur “Ura e Tajvanit”, një autobus i linjës së Unazës është përplasur me disa automjete, ju sqarojmë se:

Si pasojë janë dëmtuar shtetasit: A. Xh., 63 vjeç, (drejtuesi i autobusit), M. S., 35 vjeçe; G. P., 27 vjeç dhe V. P., 27 vjeç; O. G., 52 vjeç dhe J. C., 31 vjeçe, D. N., 27 vjeç, K. A., dhe E. H., të cilët ndodhen nën kujdesin e mjekëve.

Pas testit të alkoolit, drejtuesi i autobusit nuk ka rezultuar nën efektin e pijeve alkoolike.

Në vendngjarje ndodhen shërbimet e ambulancës dhe shërbimet e Policisë.

Grupi hetimor po punon për zbardhjen e rrethanave të aksidentit.

Aksidenti i rëndë i autobuzit të Tiranës/ Flet njëri nga shoferët e makinave: Nuk e kuptova ca ndodhi

Shoferi i një prej makinave që u përplas me urbanin e linjës së Unazës në Tiranë ka treguar momentet e aksidentit të rendë në qendër të kryeqytetit.

Në një prononcim për gazetarët ai u shpreh se drejtuesi i autobusit ishte shumë i tronditur, ndërsa hodhi dyshime se ai mund të ketë qenë nën efektin e alkoolit.

“Dola pasi mora pak veten sepse nuk e kuptova ca ndodhi. Me çfarë pashë unë në autobus kishte shumë njerëz.

Arrita ta shihja, ishte shumë i tronditur. Ishte rreth të 60 tave. Ai ishte i shokuar, ai ishte me alkool, ishte me tension dhe me zemër”, tha shoferi i makinës.

Përplasja e autobusit të Unazës me disa automjete, policia: Shoferët do testohen për nivelin e alkoolit, dyshimet janë për…

Një aksident i rëndë ka ndodhur sot në kryeqytet, ku autobusi i linjës Unaza është përplasur me 9-të automjete ku për pasojë kanë mbetur të lënduar disa qytetarë.

Në një deklaratë për mediat, punonjësi i policisë rrugore tha se pritet të përfundojnë hetimet për të dhënë në verdiktin final dhe se drejtuesit do të testohen për alkool.

Në lidhje me shkaqet është shpejt për të dalë në përfundim por në vijim sa më parë që të kemi një verdikt në lidhje me shkaqet e aksidentit do t’ju bëjmë me dije. Siç e shihni jemi në proces disa drejtues mjeti po kontrollohen dhe po testohen për nivelin e alkoolit ndërsa drejtuesit që janë ambientet e spitalit sapo të mbarojmë me ndihmën e parë do të testohen për alkool. Dëmet janë të konsiderueshme dhe ka vend për të dyshuar për shpejtësi, por jemi akoma në hapat e parë të hetimit të ngjarjes dhe nuk mund të japim një verdikt final”, tha ai.

Dalin pamjet nga aksidenti i frikshëm në kryeqytet, shihni momentin e përplasjes së autobusit me 9-të automjete

Kanë dalë pamjet nga aksidenti i frikshëm në Tiranë, ku autobusi i Unazës u përplas me disa automjete dhe u plagosën 9 qytetarë.

Gazeta Shqiptare ka siguruar pamjet nga momenti i përplasjes, ku shihet se si automjeti tip “Porsche” futet para urbanit, ndërsa ky i fundit ka qenë në stacion.

Pas përplasjes me automjetin, urbani është zhvendosur në trotuar, duke përplasur automjetet e tjera që ndodheshin në krah.

Aksidenti në unazë, reagon Bashkia Tiranë

Bashkia e Tiranës ka reaguar për aksidentin e ndodhur pranë Urës së Shallvareve, duke i uruar shërim të shpejtë të gjithë qytetarëve që u lënduan sot.

Përmes një njoftimi, Bashkia bën me dije se po bashkëpunon me të gjitha institucionet për zbardhjen e shkaqeve të aksidentit dhe se pamjet filmike i janë vendosur në dispozicion Policisë Rrugore.

“Po bashkëpunojmë me institucionet përkatëse deri në zbardhjen e plotë të shkaqeve dhe rrethanave, që çuan në këtë ngjarje!

Të gjitha filmimet e kamerave të Policisë Bashkiake janë vendosur në dispozicion të Policisë Rrugore të Tiranës, teksa jemi informuar që të gjithë drejtuesit e mjeteve të përfshira janë testuar dhe intervistuar nga kolegët e policisë, për të çuar në hetimin e plotë të aksidentit, që fatmirësisht nuk pati pasoja në jetë njerëzish”, thuhet në njoftim.