Aksidenti në Durrës/ E përplasi makina, ndërron jetë 65-vjeçari i cili udhëtonte me biçikletë
Një aksident ka ndodhur rreth orës 08:03 të mëngjesit, në lagjen nr.14, Shkozet, Durrës ku një makinë ka aksidentuar një shtetas i cili udhëtonte me biçikletë.
Si pasojë e aksidentit ka humbur jetën 65-vjeçari i cili udhëtonte me biçikletë. Policia bën me dije se viktima nuk është identifikuar ende.
Drejtuesi i mjetit, shtetasi me iniciale G.M është shoqëruar në ambjentet e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e ngjarjes.
