Aksidenti me vdekje në Ksamil, pezullohet nga detyra shefi i Policisë Rrugore të Sarandës

Në një njoftim për mediat bëhet me dije se është pezulluar menjëherë nga detyra Shefi i Seksionit të Policisë Rrugore në Komisariatin e Policisë Sarandë, Nënkomisar A. Sh.

Po ashtu ka nisur menjëherë hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë, për mospërmbushje të procedurave standarde të punës, në lidhje me marrjen e masave për parandalimin e aksidenteve rrugore, gjatë sezonit turistik.

Ndërkaq, Drejtori i Përgjithshëm i Policisë së Shtetit, Muhamet Rrumbullaku ka urdhëruar ngritjen e një grupi të posaçëm për të analizuar ngjarjen dhe për të nxjerrë përgjegjësitë në lidhje me shkakun e ndodhjes së këtij aksidenti.

Njoftimi i plotë

Drejtori i Përgjithshëm i Policisë së Shtetit, Muhamet Rrumbullaku ka urdhëruar ngritjen e një grupi të posaçëm, me specialistë nga Drejtoria e Standardeve Profesionale dhe nga Departamenti për Sigurinë Publike (Drejtoria e Policisë Rrugore) në Drejtorinë e Përgjithshme të Policisë së Shtetit, për të analizuar rastin, për të nxjerrë përgjegjësitë në lidhje me shkakun e ndodhjes së këtij aksidenti, si dhe për  menaxhimin në tërësi të qarkullimit rrugor në territorin e bashkisë Sarandë.

Ndërkohë, është pezulluar menjëherë nga detyra Shefi i Seksionit të Policisë Rrugore në Komisariatin e Policisë Sarandë, Nënkomisar A. Sh. Pezullimi i tij u bë në zbatim të nenit 209, të Rregullores së Policisë së Shtetit, për shkelje të rëndë të atributeve/kompetencave të Policisë, në lidhje me pasojat e aksidentit të ndodhur në orët e para të mëngjesit të sotëm, në aksin rrugor “Sarandë –Ksamil”, ku humbën jetën 2 turistë italianë, konkretisht shtetasit D. D., 24 vjeç dhe V. T., 32 vjeç.

Gjithashtu, ka nisur menjëherë hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë, për mospërmbushje të procedurave standarde të punës, në lidhje me marrjen e masave për parandalimin e aksidenteve rrugore, gjatë sezonit turistik.

Përplasi për vdekje dy turistët italianë në Sarandë, arrestohet 17-vjeçari

Është arrestuar në Sarandë 17-vjecari Elio Rraku i cili përplasi për vdekje 2 turistët italianë.

Aksidenti ndodhi në orët e para të mëngjesit.

17-vjeçari akuzohet për dy vepra penale, “Shkelje e rregullave te qarkullimit rrugor” me pasoje vdekjen e disa personave dhe “Drejtim i automjeteve në mënyrë te parregullt”.

“Në vijim të veprimeve procedurale të kryera për aksidentin e ndodhur në orët e para të mëngjesit të sotëm, në aksin rrugor “Sarandë-Ksamil”, në vendin e quajtur “Hidrovori”, ku si pasojë, humbën jetën 2 shtetas italianë, specialistët e Seksionit të Policisë Rrugore arrestuan shtetasin E. R., 17 vjeç, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”, njoftoi policia.

Aksidenti në Sarandë, policia jep detajet: Automjeti drejtohej nga një 17-vjeçar

Policia ka dhënë detaje lidhur me aksidentin tragjik të ndodhur në orët e para të mëngjesit të sotëm në Sarandë ku humbën jetën 2 turistë italianë.

Bëhet me dije se mjeti drejtohej nga një 17-vjeçar, i cili është përplasur me motorin, me të cilin udhëtonin dy italianët.

Po ashtu uniformat blu theksojnë se dtejtuesi i automjetit bashkë me shtetasin M. R., pasagjer në automjet janë dërguar në spital, ku ndodhen nën kujdesin e mjekëve.

Njoftimi i policisë:

Sarandë/Informacion paraprak

Rreth orës 03:00 të datës 24.08.2023, në aksin rrugor Sarandë-Ksamil, në vendin e quajtur “Hidrovor”, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”.

Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”.

Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet.

Grupi hetimor po punon për sqarimin e rrethanave të aksidentit.

Automjeti tip Mercedes benz ka qen me drejtim lëvizje Sarande -Ksamil dhe motori Ksamil –Sarandë.

Aksident në Kombinat, automjeti del nga rruga dhe përfundon brenda lokalit

Një aksident ka ndodhur paraditen e sotme në zonën e Kombinatit në kryeqytet.

Nga burimet e News24 mësohet se një automjet tip “Ford Kuga” ka dalë nga rruga kryesore dhe ka përfunduar brenda një lokali.

Fatmirësisht nuk ka persona të lënduar, pavarësisht se në lokal ishin të pranishëm shumë persona.

Policia ka mbërritur në vendin e ngjarjes dhe ka nisur hetimet për zbardhjen e shkaqeve të aksidentit.