Aksidenti me dy viktima në Korçë, gruaja fatkeqe ishte sipër thasëve në traktor, shoferi motorit vdiq rrugës për në spital

Arjan Xhuti ishte drejtuesi i motorit, ai ndërroi jetë rrugës për në spital.

Ndërsa Hatixhe Kulla ishte pasagjere në traktor.

ABC mëson se traktori po kalonte nga njëra anë e rrugës në tjetrën, ndërkohë motori ka qenë me shpejtësi dhe është përplasur me traktorin. Në traktor ishte djali i drejtuesit  dhe nëna e tij që ishte sipër thasëve.

Nga goditja ajo është rrëzuar nga mjeti bujqësor, duke humbur jetën. Traktori  ka qenë në anë të kundërt të rrugës.

Njoftimi i policise

Maliq/Informacion paraprak

Më datë 13.09.2022, rreth orës 17:00, në rrugën dytësore Zvezdë-Zëmblak, janë përshirë në një aksident rrugor mjeti tip motor me drejtues shtetasin A. Xh., 46 vjeç, me një mjet bujqësor me drejtues shtetasin I. K., 37 vjeç dhe pasagjere shtetasen H. K., rreth 58 vjeçe. Si pasojë e përplasjes kanë ndërruar jetë drejtuesi i motorit A. Xh. dhe pasagjerja e mjetit bujqësor shtetasja H. K.

Grupi hetimor ndodhet në vendngjarje dhe po punon për përcaktimin e shkaqeve të aksidentit.

Shpërthen në flakë makina në Durrës

Një makinë ka shpërthyer në flakë këtë pasdite në qytetin e Durrësit.

Shpërthimi ka ndodhur në lagjen numër 1 në Durrës. Menjëherë drejtuesi i mjetit ka dalë nga makina, pa pësuar lëndime.

Policia dhe zjarrfikësja kanë shkuar në vendngjarje për të marrë në kontroll dhe për të hetuar shkakun e shpërthimit.

E rëndë, kamioni përplas për vdekje këmbësoren 35-vjeçare në Astir

Një aksident i rëndë rrugor  me pasojë vdekje ka ndodhur këtë mbrëmje në zonën e Astirit në Tiranë.

Një këmbësore është përplasur për vdekje nga një kamion.

Aksidenti tragjik ka ndodhur në Unazë të Re, në rrugën Teodor Keko, ku  mjeti me drejtues shtetasin S. K., ka aksidentuar këmbësoren shtetasen E. N., 35 vjeçe.

Njoftimi i policisë

Tiranë/Informacion paraprak

Më datë 13.09.2022, në Unazë të Re, në rrugën Teodor Keko, mjeti me drejtues shtetasin S. K., ka aksidentuar këmbësoren shtetasen E. N., 35 vjeçe.

Si pasojë e aksidentit shtetasja E. N. ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të aksidentit.