
Si pasojë e përplasjes kanë humbur jetën dy persona: drejtuesi i njërit prej automjeteve, shtetasi B. O., rreth 42 vjeç, si dhe shtetasja M. F., e cila udhëtonte si pasagjere në automjetin tjetër, me drejtues A. F., rreth 45 vjeç.
Ndërkohë, pesë persona të tjerë janë transportuar në spital për kontroll mjekësor.
Në vendngjarje ndodhet grupi hetimor, i cili po punon për të zbardhur rrethanat dhe shkaqet e aksidentit.
Një aksident me pasojë vdekjen është regjistruar në aksin e vjetër Fushë Krujë - Thumanë, pranë fshatit Luz.
Një automjet ka përplasur një këmbësor, i cili për pasojë ka humbur jetën në vendngjarje. Identiteti i viktimës ende nuk është bërë i ditur.
Në vendin e aksidentit kanë mbërritur shërbimet e policisë, të cilat po punojnë për zbardhjen e rrethanave të ngjarjes dhe identifikimin e viktimës.
Një aksident rrugor është regjistruar në aksin nacional Qukës- Prrenjas, në afërsi të urës së Torromanit, ku dy automjete janë përplasur me njëri-tjetrin, duke përfunduar jashtë rrugës si pasojë e goditjes së fortë.
Nga informacionet paraprake bëhet me dije se njëri prej drejtuesve të automjeteve ka mbetur i plagosur dhe është transportuar në spital, ku po merr ndihmën e nevojshme mjekësore.
Përplasja ka shkaktuar dëme të konsiderueshme materiale, ndërsa të dy automjetet kanë pësuar shkatërrime pothuajse të plota.
Dyshohet paraprakisht se lagështia në rrugë mund të ketë ndikuar në humbjen e kontrollit të mjeteve, por shkaqet dhe rrethanat e plota të aksidentit pritet të përcaktohen nga verifikimet përkatëse.
Në vendngjarje është kërkuar ndërhyrja e shërbimit zjarrfikës për largimin e automjeteve të dëmtuara dhe pastrimin e karrexhatës nga mbetjet e vajrave dhe lëndëve të tjera lubrifikuese, të cilat përbëjnë rrezik për rrëshqitjen e automjeteve dhe mund të shkaktojnë aksidente të tjera.
Drejtuesve të automjeteve që përshkojnë këtë aks u bëhet thirrje të tregojnë kujdes të shtuar, veçanërisht për shkak të lagështisë në rrugë.
Lajmet përkatëse