Aksident në tunelin e Kalimashit/ Përplasen dy makina, dy pasagjerë dërgohen në spital

Ndërkohë, policia ka mbërritur në vendngjarje dhe po punon për të zbardhur shkaqet e aksidentit.

Njoftimi i Policisë:

Në tunelin e Kalimashit, me drejtim lëvizjeje Milot-Morinë, automjeti tip “Benz” me drejtuese shtetasen është  përplasur me automjetin tip “Benz”,  me drejtues shtetasin.

Dy pasagjerët, shtetasit  që udhëtonin me automjetin me drejtuese shtetasen janë dërguar në spital për kontroll mjekësorë.

Shërbimet e Policisë menjëherë bënë të mundur hapjen e rrugës dhe lëvizja e automjeteve vijon e lirë në tunel.

Grupi hetimor po punon për përcaktimin e shkakut të  aksidentit.

Mjeti lundrues pësoi defekt në det, shpëtohen 11 turistë në Vlorë, gjobitet pronari

Një mjet lundrues ka pësuar defekt dhe është bllokuar në det. Si pasojë, Policia Kufitare dhe Roja Bregdetare kanë shpëtuar 12 persona, mes të cilëve 11 janë turistë nga vende të ndryshme si Polonia, Franca, Izraeli e Belgjika.

Ndërkohë, është gjobitur me masë administrative gjobë në masën 100 000 lekë, pronari pasi nuk ishte i pajisur me Çertifikatën e Operatorit Turistik Detar.

Njoftimi i Policisë: 

Policia Kufitare dhe Roja Bregdetare shpëtojnë 12 shtetas, nga të cilët 11 turistë nga vende të ndryshme, të cilëve ju rrezikohej jeta në mjetin lundrues që kishte pësuar defekt në det.

Pronari i mjetit lundrues u ndëshkua me masë administrative 100 000 lekë, ndërsa mjeti lundrues i tij u bllokua, pasi nuk ishte i pajisur me Çertifikatën e Operatorit Turistik Detar.

Shtetasi 30 vjeç, banues në Vlorë, ka kërkuar ndihmën e Policisë pasi përballë porit të Vlorës, mjeti i tij lundrues, kishte pësuar defekt në motorr.

Shërbimet e Policisë Kufitare të SPK Triport, me marrjen e njoftimit, u nisën menjëherë  me një mjet lundrues dhe në bashkëpunim me mjetin lundrues të Rojes Bregdetare, bënë të  mundur të shpëtojnë 12 shtetasit që ndodheshin në bordin e mjetit lundrues, ku 11 prej tyre ishin turistë, nga vende të ndryshme si Polonia, Franca, Izraeli e Belgjika.

Shërbimet e Policisë Kufitare pasi kanë tërhequr drejt portit mjetin lundrues ku ndodheshin turistët, kanë kryer verifikimet nga të cilat ka rezultuar se mjeti lundrues  i dalë në lundrim nga SPK Triport,  është mjet lundrues për përdorim personal dhe nuk është i pajisur me Çertifikatën e  Operatorit Turistik Detar.

Mjeti lundrues u bllokua dhe shtetasi u ndëshkua me masë administrative gjobë në masën 100 000 lekë, bazuar në Ligji Nr. 43/2020 “Për operatorët turistikë detar”.

Turistët të cilët janë në gjendje të mirë shëndetësore kanë falënderuar shërbimet e Policisë dhe të Rojës Bregdetare për ndihmën dhe reagimin e  shpejtë.

Makina del nga rruga në aksin rrugor Bubq-Ishëm, drejtuesi ishte nën efektin e alkoolit

Një aksident është shënuar pasditen e së mërkurës në aksin rrugor Bubq- Ishëm, pranë fshatit Mazhë. Një automjet ka dalë nga rruga, duke përfunduar në një avlli.

Banorët e rastësishëm kanë nxjerrë drejtuesin nga mjeti dhe kanë lajmëruar policinë. Drejtuesi i autoveturës qarkullonte nën efektin e alkoolit, ndërsa është shoqëruar në komisariat.